_

وتهدينا الحياه أضواء في أخر النفق مادام الأمل طريقا فسنحياه
دايما الأمل هوا اللي بيخلي الواحد عنده المقدره انه يكمل لبكرا
لأنه عارف ان في حاجه هتوصله للي هوا عايزه دايما بيبقي في معطايات بتوصلنا لنتائج
هيا الحياه كدا
لكن ان الواحد يعيش بدون اي معطيات ولا اي امل
زي ما بيقولو عايش كدا وخلاص مبيبقاش عايز يعمل حاجه معينه في يومه
حد يكلمه يرد عليه حد يبعته مشوار يروح حد يطلب منه حاجه فيعملها
لكن فين بقي اللي هوا عايزه مفيش طب مفيش ليه عشان مفيش نتيجه عايز يوصلها
لكن خلينا نقول برضو ان كل حاجه بتخلص ولو متجددتش صح الانسان داخليا بينتهي
طاقتنا وشغفنا وقدرتنا ع التعايش والتسامح
مفيش اسوأ من ان الواحد يبقي عايش بمشاعر الخوف والقلق وبس
مش قادر يتكلم وفي نفس الوقت مش قادر يتخطي الحاجز دا فبيفقد احساسه بالحياه
وبيبقي الموت والحياه بالنسبه ليه سواء
نقطه .

مدونتي العزيزه إلي متي ...

لا اجد افتتاحيه مناسبه لهذا الموضوع ..
انه من السخريه ان اعتبر ما يعتريني موضوع مهما ولكن فليكن ما يكون فهنا يمكنني ان اعبر عما بداخلي دون خوف او تردد
هنا حيث امكنني ان اكون  علي طبيعتي
الي متي هذا الضعف وهذا الهروب
مازلت اريد ان اتنفس الصعداء ولكن هيهات هيهات وكأن كل ذنوبي اصرت ان تلاحقني
فأحمل فوق همي هموما لم اعد قادرا علي حملها
كميه الذكريات السلبيه والليالي اللي عشت فيها لوحدي بتعبها ومرضها وعياطها
الايام اللي كنت بنام فيها وانا مش عارف هصحي اجيب اكل تاني يوم ازاي
انا من 2014 وانا متكفل بمصاريفي الشخصيه اشتغلت حجات كتير جدا في ورشه حداده ومع واحد بيلزق رخام وفي الماركتنج وفري لانسر وبوصل حجات تبع شركه ودليفري وفي صيدليه
لما بقعد اهزر واضحك واعمل حجات عبيطه عشان غيري يضحك زي البلياتشو اللي بيضحك غيره
كل دا عشان اهرب بيه من التفكير في حالي وعشان مبقاش لوحدي
ويبقي السؤال الحائر هل انا كويس فعلا ولا وحش
؟
؟
؟

صديقي كلنا نحتاج فلاتدعي الصلابه :D

شويه فضفضه كدا معاكم :D
في فتره من الفترات اقل من سنه كنت بفكر في الاكتئاب بشكل مبالغ فيه لدرجه اني كنت بتخيل نفسي كتير وانا بنتحر وكانت فتره كنت مشغول فيها جدا بين شغل ودراسه لحد ما قررت اني اروح لطبيب نفسي وساعتها شخصني اني عندي اكتئاب حاد وكتبلي ادويه اكتئاب :D
وبعد مامشيت فتره ع الادويه دي سألت نفسي هل انا عايز افضل ماشي ع الادويه وكانت الاجابه لا ووقفت الادويه وقولت للدكتور انا عايز احارب اكتئابي من غير ادويه لأني عارف اني اقوي منه وانها فتره وهتعدي وبدأت فعلا اغير من طريقه تفكيري والدكتور ساعدني كتير جدا كنت بخرج من كل جلسه وانا كلي امل وطاقه وتفائل بقيت اعرف ابص للأمور من منظور مختلف
سألني مره هل الجلسات دي مفيده ليك قولتله انا نفسي اصرخ واقول لكل الناس روحو لدكاتره نفسيين لأن حقيقي الكلام معاهم بيفرق
انت بتتكلم مع شخص فاهم ومش هيمعلشك وخلاص ولا هيقلل من الظروف اللي انت فيها وهيقدر يدلك علي حجات يمكن انت مكنتش واخد بالك منها او مكنش عندك الجرأه انك تاخد الخطوات دي في حياتك :D
**شوفت مره واحد كاتب كلنا مرضي نفسيين بس ايه السبب في كدا احنا السبب في اننا خلينا بعض مرضي نفسيين
الصديق اللي مش بيسمع صديقه او البنت اللي بتتنمر علي زميلتها او الاهل اللي مهملين اولادهم ومشاعرهم كل دا قادر يخلي مننا مرضي نفسيين
كلنا محتاجين نحس اننا مهمين في حياه حد وان وجودنا ليه قيمه محتاجين نحس بالتقدير
كل واحد فينا محتاج حاجه معينه في حياته ولما مش بيلاقيها بيضطر يدور عليا في طريق تاني ويمكن يكون طريق غلط
كونو رحماء بنفسكم وب اللي حواليكم ولو لقيتم حد محتاج انه يسمع ليكم احكوله ولو حد محتاج تسمعوله متكسلوش تعملو دا عل وعسي نكون سبب في اننا نفرج هم مهموم فربنا يفرج همنا 🖤

هفصل !!

الدعم النفسي علي اد ماهي ممتعه بالنسبه ليا وبحس بفرحه كبيره اوي اوي ما اساعد غيري واحس بقينه اللي عملته دا اد ما هيا متعبه خصوصا لواحد شخصيته حساسه اوي زي 

انا بتأثر ب اللي بسمعه وبتفاعل معاه جدا وبيلمسني من جوا عشان كدا اي نصيحه او كلام بقوله لحد بيبقي خارج من قلبي فعلا 

بس انا برضو بتوجع وبتعب اما ملاقيش نتيجه لتعبي 

اما ملاقيش حد بيقدر اللي بعمله عشانه 

انا فخور بالعدد اللي قدرت اوصله الحمدلله ويكفي ان عدد كبير من اللي ساعدتهم ميعرفوش شخصيتي الحقيقيه اصلا 

بس انا محتاج افصل شويه فعلا رغم اني مش بقدر اقاوم اما الاقي حد تعبان ومساعدهوش 

بس حصل معايا موقفين ضايقوني اوي 

اول موقف حد كان مضايق ومخنوق قعدت ساعتين بتكلم معاه والحمدلله بقي كويس بعدها بيوم بطمن عليه لقيت الرد صدمني ماخلاص بقي انت هتصاحبني 

االموقف التاني ودا مع حد من القريبين ليا اني ابعتله عشان اطمن عليه ويبقي فاتح وينزل ستوريز ع ا لواتس وميردش عليا 

حقيقي الموقفين دول هيغيرو طريقه معاملتي بعد كدا مع اني برضو مش حابب كدا بس انا محتاج افصل 

مش هعرض مساعده علي حد الا لو حد طلبها مني فعلا او جاه يتكلم معايا مخصوص ساعتها هسمعه وهعمل كل اللي اقدر عليه عشان اساعده 

ربنا يحفظنا جميعا ويسعد قلوبكم ❤

26-6-2019

الايام تمضي شئنا ام أبينا لن يتوقف الزمن عند حزنك سيمضي معه كل شئ جميل
اليوم كان صعب والصداع كان هيموتني من الصبح لحد المغرب مستريحتش شويه الا اما مسحت كل الاسئله اللي علي الاسك
الموضوع كان كبير يستحق اني اكسر حاجه كبيره قصاده عشان اقدر اقف من تاني
كل اللي بنيته ع الاسك ممكن ابنيه من تاني بس اللي مش هقدر اعوضه هوا الحب اللي شوفته في كلام الناس اللي اتبعت ليا حقيقي انتو اكبر مكسب في حياتي
مهما قولت مش هقدر اوفيكم حقكم فشكرا ليكم ^^

السواد يعيش فينا ونعيش فيه

تتثاقل الكلمات فلا نجد مانقول
يجذبنا الظلام للداخل , لانقوي علي فعل اي شئ
كجسد مظلم يطفو فوق بحر من الاحزان لا يستطيع النجاه ولم يغرق بعد
هل هي روح متقده مليئه بالحيويه ام نفس خبيثه تضمر الشر والسوء
تتثاقل الاحمال اصبحت اميل الي الهروب لا احب المواجهات لا اح مقابلة احد
ادفن نقسي في جانب واحد فلا انا حي ولا انا ميت

بلا عنوان

كنت عامل صفحه لمساعده من يحتاج الي دعم نفسي خصوصا طلبه الجامعه
كلمني واحد طبعا انا عرفته من اكونته هوا دفعتي بس ماليش كلام معاه
المهم قعد يحكي عن مشاكل في الكليه  والدراسه وانه كان مأجل مواد وخايف وفضلت اكلمه فتره لحد ما الحمدلله خلص امتحانات علي خير
السنه دي هوا معايا في نفس المجموعه ساعات بيخش يسلم علي ناس قاعدين معايا وميسلمش عليا 😂😂
بس انا حقيقي كل اما بشوفه بحس اني عملت حاجه في حياتشي 💃💃

كئااااااااااااااابه

قاعد دلوقت مابين تفكير في اطفش من البيت او انتحر :D
اروح علي كوبري قصر النيل ارمي نفسي من عليه بس اصورها لايف ع الفيس بوك بقي وميلاقوش الجثه
وكل دا ليه بقي
عشان امي عازمه خالاتي النهارده عادي صلة رحم مقولناش حاجه وصاحيين بدري نروق البيت فحضرتك انا مسحت الابواب والكراسي والترابيزات
ذنبي ايه بقي ان البيت مليان تراب واقعد اتهزق واتشتم ع الصبح
هوا انا اصلا طول ال 8 شهور اللي فاتو اطول فتره قعدتها في البيت 3 ايام
ليه الواحد بيحصل فيه كدا يعني :D

صديقي لا تحزن

لا اعلم لماذا كلما رأيت احدا حزينا اشعر بالمسؤليه تجاهه وان عليا مساعدته مهما حدث....
الطاقه السلبيه بقت منتشره جدا بين الشباب بقي قليل اما نشوف حد فرفوش كدا وبيحمد ربنا طول الوقت
اه الدنيا صعبه وفي مشاكل وبلاوي مايعلم بيها الا ربنا عند كل واحد فينا
بس ربنا قال لقد خلقنا الانسان في كبد
طب ايه بقي
بص يا سيدي احنا كبشر مفروض نخفف عن بعض ونساعد بعض اما بالكلمه الطيبه او الابتسامه الجميله
شايف حد مهموم روح واتكلم معاه معظمنا بيبقي عايز حد يسمعه بس والله مبيبقاش عايز حلول اد ما بيبقي عايز يطلع اللي جواه
اتعلمو تسمعو وبلاش التنظير كل واحد عنده مشاكله ومهما كانت مشكله غيرك تافهه في وجهة نظرك الا انها مشكله ولازم تحترمها وتحترم صاحبها وتقدر ان الحاجه دي مسبباله تعب وحزن فبلاش نبقي جلادين او نكون سبب في زياده معاناه حد
افتكر من ٣ سنين كنت بتكلم مع واحد صاحبي قالي انت شاطر في ايه وعايز تعمل ايه في حياتك قولتله بكل عفويه اني اقدر اسعد اي حد انا عايز اسعده واعتقد اني كنت شاطر اوي في الحته دي وقتها وحطيت لنفسي هدف ساعتها اني اساعد مليون واحد واسمعهم واخفف عنهم
واشتغلت ع الهدف دا فتره واخر رقم عديته كان خمسين واحد
ممكن انا مبقتش بنفس حماس وشطاره الاول في اني اساعد حد
بس انا حرفيا لو فيا هموم الدنيا وشوفت حد مضايق بنسي اللي فيا وببقي عايز افرح الشخص المهموم دا بس
اينعم اوقات كتير بفشل خصوصا مع الناس القريبين مني اوي وكل ما افتكر اني كنت سبب خزلان وزعل حد كل ما طاقتي وثقتي بنفسي بتقل
ادعولي ارجع زي الاول ♥️

الي مدونتي العزيزه

الي مدونتي العزيزه اسف علي ماجري وارجو ان تسامحيني فلم يكن بخاطري ان امسح ذكريات عامين شهدتي معي فيهم الكثير والكثير
مازلت علي حافة الهوايه انظر عن قرب واتعجب لحالي
مابال هذا الحال وهذا البؤس
اعيش ولا عيش
احب واتألم
اكل واجوع
انام احلم بكوابيس
اصبحت الحياه مرهقه جدا وانا اضعف من ان اتحمل كل هذا وحدي
طباعي سيئه وانا اعلم هذا علم اليقين
من يراني من بعيد يعجب بي ولكن ما ان يتعرف الي عن قرب حتي تبدأ اللعنه وتبدأ المشاكل
لقد عشت كثيرا في الظلام فرحا وسرورا وحزنا وبكاءا
الظلام هوا عالمي الخاص الذي اعيش فيه لكنهم لايدركون ان محاولات الاقتراب منهم ستأذيهم وستكون اللعنه اللتي تجعلهم يشقون
دعوني اقترب منكم واساعدكم اجعل حياتكم افضل لكن رجاء لا تقتربو حتي لا نتأذي جميعا
والسلام ختام